Ministri i Mbrojtjes, Armend Mehaj ka thënë se vitin 2021 e kanë mbyllur me përqindjen më të lartë të shpenzimit të buxhetit, që kishte pasur ndonjëherë Ministria e Mbrojtjes.
Kurse, sa i përket vitit 2022, Mehaj thotë se me përkrahjen e Qeverisë së Republikës së Kosovës, kanë siguruar buxhetin më të madh që kanë pasur ndonjëherë, dhe se 103 milionë euro janë në dispozicion të ushtrisë.
“Këtu e gjeni krahasimin dhe totalin e shpenzimit të buxhetit në Ministrinë e Mbrojtjes për tre vitet e fundit: Viti 2019 buxheti i shpenzuar = 85 %. Viti 2020 buxheti i shpenzuar = 86%. Viti 2021 buxheti i shpenzuar = 96 %. Progresi i arritur dhe përkushtimi i treguar në udhëheqje e qeverisje për 9 muajt e kaluar, do të na karakterizojë edhe në vitet në vijim, madje me intensitet edhe më të lartë, kjo është rruga e vetme e suksesit”, ka theksuar ministri.
Tutje, Mehaj në Facebook ka shkruar “faleminderit për besimin e dhënë dhe për mbështetjen e vazhdueshme”.
“Vazhdojmë e rrugëtojmë së bashku drejtë sukseseve të reja”.
