Në ditën e dytë të vizitës së tij në Kosovë, ministri turk i Arsimit, Mahmut Özer vizitoi shkollat ndërkombëtare Maarif të Kosovës dhe shkollën fillore Elena Gjika.
Gjatë vizitës në shkollat ndërkombëtare Maarif të Kosovës, Özer shoqërohej nga ambasadori i Turqisë në Prishtinë, Çağrı Sakar, ministri i Zhvillimit Rajonal të Kosovës dhe kryetari i Partisë Demokratike Turke të Kosovës (KDTP) Fikrim Damka dhe zyrtarë të tjerë.
Ministri turk Özer u informua për aktivitetet e shkollës nga autoritetet arsimore, ndërsa vizitoi klasën e kimisë, biologjisë, pikturës dhe muzikës, si dhe bisedoi me nxënësit.
Vizita në Shkollën Fillore “Elena Gjika”
Gjatë vizitës së tij në Shkollën Fillore “Elena Gjika”, e cila ofron arsim në gjuhën turke dhe shqipe në kryeqytetin e Prishtinës, ministrin Özer e shoqëroi ministrja e Arsimit, Shkencës, Teknologjisë dhe Inovacionit të Kosovës, Arberie Nagavci, kryetari e Partisë Demokratike Turke të Kosovës (KDTP) dhe Ministri i Zhvillimit Rajonal të Kosovës Fikrim Damka, ambasadori i Turqisë në Prishtinë, Çağrı Sakar dhe deputetë të KDTP-së.
Özer, i cili u dhuroi çanta studentëve që studiojnë në gjuhën turke dhe shqipe, në fjalimin e tij në ceremoni tha se në takimet ndërmjet delegacioneve gjatë vizitës dyditore është diskutuar për zhvillimin e bashkëpunimit arsimor me Kosovën.
Ministri turk i Arsimit u shpreh se do të bashkëpunojnë veçanërisht në trajnimin për zhvillimin profesional të mësimdhënësve dhe përmirësimin e infrastrukturës digjitale të kodimit robotik në Kosovë.
“Kjo shkollë është një shkollë me kuptime kritike në Kosovë. Ajo ofron arsim si në gjuhën shqipe dhe turke dhe është një nga shkollat më të vjetra në Prishtinë. Ne si Ministri e Arsimit, si shenjë e vullnetit tuaj të mirë në promovimin e bashkëpunimit të ndërsjellë, jemi të gatshëm të mbështesim ngritjen e të gjithë infrastrukturës digjitale të kësaj shkolle, nga kodimi robotik deri te animimi dhe zhvillimi i përmbajtjes digjitale”, tha Özer.
Duke shprehur kënaqësinë e tij për bashkëpunimin me Kosovën në arsim dhe udhëheqjen e iniciativave të reja, Özer tha: “Nëse e shihni të arsyeshme, ne mund të themelojmë laboratorë në lidhje me secilën fushë të fortë në 185 qendrat tona shkencore dhe arti në këtë shkollë. Edhe nxënës nga qytete të ndryshme të Kosovës mund të kenë mundësinë të vijnë këtu dhe të marrin këto trajnime”.
Ministrja Nagavci tha se po përpiqen t’u shërbejnë të gjitha komuniteteve në mënyrë të barabartë, pavarësisht se në cilën gjuhë janë arsimuar.
“Si Qeveri e Republikës së Kosovës, jemi të interesuar dhe të vendosur që të ofrojmë mundësi të barabarta për të gjithë qytetarët e Republikës së Kosovës. Këtë vit për herë të parë, ne kemi përkthyer të gjitha tekstet shkollore në gjuhët e të gjitha komuniteteve për të siguruar mundësi të barabarta për fëmijët e të gjitha komuniteteve dhe do ta zyrtarizojmë me nënshkrimin e një marrëveshjeje të përbashkët që siguron shkëmbimin e përvojës për zhvillimin profesional të mësuesve në fusha si teknologjia dhe arsimi i lartë, nga të cilat do të përfitojnë të dyja vendet”, tha Nagavci.
Si pjesë e ceremonisë, gjithashtu u bë një prezantim mbi Projektin e Inteligjencës Artificiale të Kosovës dhe Qendrës STEAM.
Gjatë vizitës së tij dyditore në Kosovë, Özer dje ka vizituar qytetet e Prizrenit dhe Mamushës, ndërsa sot është takuar me kryeministrin e Kosovës, Albin Kurti dhe ministren e Arsimit, Shkencës, Teknologjisë dhe Inovacionit Arbërie Nagavci./AA