Presidentja e Kosovës, Vjosa Osmani, ka thënë se është tërësisht në vullnetin individual të shteteve anëtare të BE-së çështja e liberalizimit të vizave, teksa ka ritheksuar se Kosova ka plotësuar të gjitha kriteret karshi kushteve të unionit europian për lëvizjen lirshëm.
Ajo këto deklarime i ka bërë në konferencë të përbashkët për media me Charles Michel, president i Këshillit Europian, i cili po qëndron për vizitë në Kosovë.
“Sa i përket procesit të liberalizimit të vizave, jemi në kontakt me të gjitha shtetet anëtare të BE-së. Natyrisht që ka një kohë të gjatë që po punojmë intenzivisht… Dua ta rikonfirmoj që Kosova i ka plotësuar të gjitha kriteret. Këtë plotësim të kritereve e ka rikonfirmuar Komisioni Evropian. Po ashtu është konfirmuar nga Parlamenti Evropian me 2/3 disa herë radhazi”, deklaroi presidentja Osmani.
“Se kjo a do të ndodh më 23 qershor apo në një datë tjetër, është vullnet individual i shteteve të BE-së. Ka akoma disa shtete prej të cilave po presim përgjigje përfundimtare, prandaj do të varet shumë në javët në vijim, sidomos në takimin që mbahet në datën 23”, theksoi ndër të tjera e para e vendit.l.net.
