Presidenti i Palestinës, Mahmoud Abbas, ka theksuar domosdoshmërinë e mbajtjes së zgjedhjeve legjislative dhe presidenciale, transmeton KosovaPost.
“Së pari ne kemi vendosur të shkojmë në zgjedhjet legjislative dhe më pas në zgjedhjet presidenciale, dhe ata duhet të mbahen në Gaza dhe Kudsin Lindor së bashku me Bregun Perëndimor”, tha Abbas në një ceremoni për të shënuar 15-vjetorin e vdekjes së ish-presidentit palestinez, Yasser Arafat.
“Pa Gazën dhe Kudsin Lindor nuk do të ketë zgjedhje”, deklaroi Abbas, raporton AA. Siç tha ai, në të gjitha rrethanat do të zhvillojnë zgjedhjet dhe pastaj shpresojnë të arrijnë “ëndrrën për shtetin e pavarur të palestinezëve”.
Në fjalimin e tij në mbledhjen e Asamblesë së Përgjithshme të Kombeve të Bashkuara (OKB) në shtatorin e kaluar, Abbas u zotua për mbajtjen e zgjedhjeve të përgjithshme.
