Asociacioni i Gazetarëve të Kosovës (AGK), sot ka shpërndarë materiale mbrojtëse kundër COVID-19, tek mediet lokale nga pjesa e fundit e donacioneve të siguruara më parë.
Përmes një komunikate për medie, AGK njofton se tek mediet lokale nga Prizreni, Ferizaj, Klina, Istogu, Peja, Mitrovica Veriore, Kamenica janë shpërndarë: xhaketa, jelekë, maska, dorëza, veshje mbrojtëse, mburoja fytyre, dezinfektues 100 dhe 1000 ml.
AGK ka falënderuar bashkëpunëtorët vendorë dhe ndërkombëtarë që kanë mbështetur komunitetin e gazetarëve.
“AGK-ja falënderon sërish të gjithë bashkëpunëtorët vendorë dhe ndërkombëtarë që kanë mbështetur komunitetin që përfaqësojmë duke i’u siguruar materiale mbrojtëse në mënyrë që t’iu lehtësohet puna që bëjnë në kushtet me ballafaqimin me pandeminë COVID-19”, thuhet tutje në njoftim.