Dy persona kanë mbetur të lënduar në një aksident në rrugën Prishtinë-Podujevë.
Rasti ka ndodhur rreth orës 16:30 në fshatin Lupç të Podujevës, shkruan arbresh.info.
Zëdhënësja e Policisë së Kosovës për rajonin e Prishtinës, Flora Ahmeti i ka thënë arbresh.info se të lënduarit janë dërguar për tretman mjekësor, ndërsa njësiti policor i trafikut po merret me rastin.
“Rreth orës 16:30 në rrugën Prishtinë-Podujevë (fshati Lupç), ka ndodhur një aksident trafiku, në mes të dy automjeteve në lëvizje, si pasojë janë lënduar dy persona. Personat e lënduar janë dërguar për tretman mjekësor, ndërkohë që njësiti i trafikut po merret me rastin”, thotë Ahmeti.
