Lionel Mesi u pa i mllefosur pas përfundimit të pjesës së parë në fitoren e Barcelonës 1:0 kundër Real Valladolidit, duke e akuzuar gjyqtarin se po përpiqej të gjente mënyra për ta ndëshkuar me karton të verdhë.
Mesi është ndëshkuar katër herë me karton të verdhë deri tani këtë sezon dhe i pesti do ta linte jashtë takimit të Barcelonës kundër Real Madridit të shtunën.
Kapiteni i ‘blaugranave’ nuk ishte aspak i kënaqur me arbitrimin e Santiago Jaime Latre, pasi u pa duke u ankuar ndaj tij pas pjesës së parë.
“Arbitri do të më japë karton të verdh, e pabesueshme”, u dëgjua argjentinasi duke iu ankuar delegatit të Barçës Carles Naval.
Barcelona e fitoi ndeshjen 1:0 falë një goli të Ousmane Dembeles dhe Mesi i shpëtoi ndëshkimit.
