Gjatë gjykimit të Benjamin Netanyahu, i cili akuzohet për korrupsion, dëshmitari kryesor e përshkroi kryeministrin izraelit si një ideolog të fiksuar i cili detyronte një të njohur gazete të lavdërojë familjen e tij dhe të shpifë ndaj kundërshtarëve të tij, transmeton Kosova Post.
AP raporton se vazhdimi i djeshëm i gjyqit iu kushtua akuzave më të rënda ndaj Netanyahut, sipas të cilave ai pretendohet se ai i lejoi në mënyrë të paligjshme kompanisë së telekomunikacionit Bezek, në këmbim të raportimit pozitiv rreth tij, të fitonte qindra milion dollarësh amerikanë.
Ilan Yashua, një dëshmitar i prokurorisë dhe ish-kryeredaktor i medias Vala, në pronësi të Bezek, tha se pronarët e Bezek e kishin bërë presion për vite me radhë për të botuar informacion pozitiv në lidhje me Netanyahu dhe për të shpifur kundërshtarët e tij.
Ai tha se sa herë që i pyeste pronarët pse duhej të botonte raporte të tilla, ai merrte përgjigjen “se Kryeministri e dëshironte kështu”.
Duke iu drejtuar kombit, Netanyahu akuzoi sot prokurorët për përndjekjen e tij me synimin për të ndryshuar vullnetin e votuesve dhe për ta dëbuar atë nga posti i kryeministrit.
“Kjo është si duket një përpjekje për grusht shtet,” tha Netanyahu.
Zgjedhjet në Izrael u mbajtën muajin e kaluar dhe rezultatet tregojnë e zgjedhjeve krijuan njëngërç politik, duke pasur parasysh që as Netanyahu dhe as opozita nuk kanë shumicën e nevojshme për të formuar një qeveri, sipas AP./Kosova Post/
