Sot u bënë 22 vite pa atdhetarin e çështjes kombëtare, Xheladin Rekaliun.
Rekaliu lindi më 1948 në fshatin Gegaj të Podujevës, në një familje me tradita dhe histori mbresëlënëse që fillon nga Rilindja Shqiptare, gjegjësisht nga Lidhja e Prizrenit e vazhdon deri me çlirimin e Kosovës nga pushteti i Serbisë.
Në 22 vjetorin e tij, kryetari i Vetëvendosjes, Albin Kurti, vizitoi familjen e tij në Podujevë.
Së bashku me Kurtin, ishte edhe Xhelal Sveçla dhe Fatmir Humolli.
Gjatë luftës së fundit çlirimtare, në komunën e Vushtrrisë, nga paramilitarët e ushtria serbe, Xheladin Rekaliut i vriten motra Sevdija dhe djali i saj Meriton Gjata me 2 maj 1999, i cili ishte ushtar i rregullt në radhët e UÇK-së.
Xheladini, pas vetes i la gjashtë fëmijë: Fitorja, Ardiana, Mimoza, Muhamedi, Valmira dhe Ardiani.
