Ambasada e Shteteve të Bashkuara të Amerikës në Kosovë e ka falenderuar emisarin e posaçëm amerikan për Ballkanin, Matthew Palmer për vizitën që e ka pasur në Kosovë.
Ambasada amerikane ka thënë se Palmer në Kosovë ka kërkuar rifillimin e dialogut Kosovë-Serbi.
“Faleminderit Zëvendës Ndihmës Sekretarit Matthew Palmer për vizitën e tij dhe takimet produktive me udhëheqësit e Kosovës, me kërkesën e përsëritur për partneritet midis dy vendeve tona dhe rifillim të dialogut të udhëhequr nga BE-ja”, thuhet në postimin e ambasadës në Twitter.
Palmer, së bashku me emisarin e Bashkimit Evropian për dialogun, Miroslav Lajçak, kanë realizuar një vizitë dyditore në Kosovë, ku janë takuar me krerët më të lartë të institucioneve, si dhe me liderët e partive politike parlamentare.
Thanks to Deputy Assistant Secretary Matthew Palmer for his visit and productive meetings with Kosovo leaders, reiterating our partnership between our two countries, and a resumption of the EU-led Dialogue talks. pic.twitter.com/7gWZZSAumI
— U.S. Embassy Pristina (@USEmbPristina) June 2, 2021
