Amerikania Katie Ledecky u bë notarja e parë që fitoi pesë tituj të botës radhazi në të njëjtën garë të premten, pasi fitoi në 800 metra stil të lirë në Kampionatin Botëror të Aquatics Budapest 2022, transmeton Kosova Post.
“Katie Ledecky është notarja e parë në histori që fiton një ngjarje specifike individuale 5 herë radhazi në Kampionatin Botëror”, shkroi në Twitter organi drejtues botëror i notit, FINA.
Ledecky, 25 vjeçe, 10 herë fituese e medaljeve olimpike, 7 ari dhe 3 argjendi, preku murin në 8 minuta, 8,04 sekonda për fitoren në finale.
Ledecky më parë fitoi titujt e botës në 800 metra stil i lirë në vitet 2013, 2015, 2017 dhe 2019.
Ajo e rriti rekordin e saj të medaljeve në kampionatin botëror në 22, përfshirë 19 ari dhe 3 argjendi.
Ledecky ka fituar katër medalje ari, në 400 stil i lirë, 800 stil i lirë, 1.500 stil i lirë dhe 4×200 stil i lirë në Kampionatin Botëror Aquatics 2022.
Turneu do të përfundojë më 3 korrik./aa