Luka Modric po zhvillon sezonin e tij të dhjetë tek Real Madrid, por duket që kroati 36 vjeçar do mbyllë edhe dekadën në kryeqytetin spanjoll, transmeton KosovaPost.
Muajve të fundit ka pasur shumë dilema rreth rinovimit të tij, por duket që gjithçka është zgjidhur në ditët e fundit.
Luka Modric do rinovoj kontratën e tij me Real Madrid deri në qershor të vitit 2023, njofton Gazetari italian Fabrizio Romano.
“Real Madridi po planifikon të zgjas kontratën e Luka Modric deri në qershor 2023. Synimi është i qartë prej muajsh nga të dyja palët , puna në progres për të arritur marrëveshjen.
Modric konsiderohet nga Carlo Ancelotti dhe i gjithë bordi i Real Madridi si lojtari kyç i skuadrës.”, shkruan Romano në rrjetin e tij social, Facebook.
