Rreth orës 11:00 të ditës së sotme ka ndodhur një rrahje në mes të disa personave në rrugën “ Zenel Salihu” në Prishtinë.
Lajmin e ka konfirmuar për klankosova.tv zëdhënësi i policisë rajonale të Prishtinës, Agron Borovci i cili ka njoftuar se lidhur me rastin janë arrestuar dy të dyshuar.
“Policia ka dalë menjëherë në vendin e ngjarjes dhe ka arritur të arrestoj dy persona të dyshuar dhe të gjej një shufër metalike që dyshohet të jetë përdorur gjatë rrahjes. Njëri nga ta ka pësuar lëndime trupore dhe aktualisht po merr tretmanin mjekësor nga ekipet mjekësore të emergjencës në stacionin policor”.
“Policia ka iniciuar një hetim lidhur me rrethanat që karakterizojnë rastin dhe po punon për të identifikuar edhe personat të tjerë që mund të jenë të përfshirë në rast”, tha ai.
