Hetuesit policorë nga Drejtoria për Hetimin e Trafikimit me Narkotikë, kanë arrestuar një person në veri për përpunim dhe kultivim të lëndëve narkotike.
Pas intervistimit, rasti ndaj tij është inicuar në drejtim të dy veprave penale dhe është dërguar në mbajtje deri në 48 orë.
“Sot, më 04.04.2023, rreth orës 15:20, në vazhdën e hetimit të rastit të lart-cekur, policia ka identifikuar dhe arrestuar edhe një të dyshuar (të dyshuarin e tretë): R.K, (viti i lindjes 1968, mashkull serb kosovar).I dyshuari është intervistuar dhe ndaj tij është iniciuar rasti në drejtim të dy veprave penale: ‘prodhimi dhe përpunimi i paautorizuar i narkotikëve, substancave psikotrope, analoge apo veglave, pajisjeve apo materialeve narkotike’ dhe ‘’kultivimi i bimës së hashashit, shkurres së kokainës ase bimëve të kanabisit’. Pas, intervistimit, me aktvendim të prokurorit, i dyshuari dërgohet në mbajtje deri në 48 orë”, thuhet në komunikatën e policisë.
Ky i fundit u arrestuar pasi hetuesit policorë nga Drejtoria për Hetimin e Trafikimit me Narkotikë, patën zhvilluar një operacion policorë, të koduar me emrin “Shpata”, në rajonin e Mitrovicës në veri.
Gjatë realizimit të atij operacioni policor, janë zbuluar tre laboratorë me bimë narkotike, dy laboratorë me rreth 1200 bimë narkotike, si dhe laboratori i tretë (pa bimë) me pajisje të sofistikuara për kultivim të bimëve narkotike në të.
Njëherit, policia kishte arrestuar edhe dy serbë të tjerë, raporton teve1.info.
“Policia mbetet e përkushtuar në luftimin e të gjitha aktiviteteve kriminale në vend, në veçanti luftë e pa kompromis do të zhvillohet ndaj personave apo grupeve kriminale që merren me abuzimin, posedimin, kultivimin apo trafikimin e substancave narkotike (drogave) në përgjithësi”, thuhet tutje në komunikatë./teve1.info/.
