Në Kuvendin Komunal të Prishtinës janë betuar asamblistët e rinj të kësaj komune.Në seancën solemne të Kuvendit Komunal, 17 asamblistët e Lëvizjes Vetëvendosje, kanë marrë me vete flamujt kombëtar, të cilët i kanë vendosur në tavolinë.
Ndryshe, sot ish-kryetari i Prishtinës Shpend Ahmeti ia ka dorëzuar zyrtarisht detyrën kryetarit të ardhshëm Përparim Rama.
Ahmeti me këtë rast e ka këshilluar Ramën që të flejë sonte ngase për katër vjet e presin shumë punë. Madje ai i ka premtuar se telefonin çdo herë do ta mbajë të hapur sa herë që ai ka nevojë për ndihmë. “Flejë sonte sepse tash 4 vjet pak gjumë do të keni. Sukses në punë. Unë nuk të përzihem në punë, por telefonin qel e kam me të ndihmuar”, ka thënë Shpendi.
Ish-kryetari Ahmeti tha se pret që Rama të bëjë më shumë punë se qeverisja e kaluar.