Ndërsa pranoi varësinë e Evropës për gaz nga Rusia, ministri i Jashtëm austriak paralajmëroi kundër vendosjes së çdo sanksioni ndaj Moskës në këtë drejtim, veçanërisht kundër projektit të gazit Nord Stream 2, transmeton Kosova Post.
“Ne në Evropë jemi pjesërisht të varur nga energjia ruse, dhe nëse duam të sigurojmë ngrohjen dhe energjinë tonë, nuk mund ta ndryshojmë këtë menjëherë”, tha Alexander Schallenberg për gazetën austriake Die Presse.
“Ne jemi gati për bisedime të lira me Rusinë në kushte të barabarta”, tha ai, duke iu referuar kërkesës së Rusisë për mosanëtarësimin e Ukrainës në NATO dhe tërheqjen e trupave të NATO-s nga rajonet në kufi me Rusinë.
Schallenberg shtoi se Putini duhet të presë sanksione të gjera ekonomike dhe financiare nëse pushton Ukrainën. Nëse tensionet përshkallëzohen, do të ketë një reagim shumë të qartë dhe të shpejtë. Tensionet midis Rusisë dhe Perëndimit, veçanërisht me Shtetet e Bashkuara, janë rritur ndjeshëm javët e fundit. Shtetet e Bashkuara, së bashku me aleatët e saj në NATO, kanë akuzuar Rusinë për komplot për të pushtuar Ukrainën.
Ndërkohë, Rusia ka mohuar akuzat perëndimore se Moska synon të pushtojë Ukrainën.