Ish-deputeti i LDK-së, tashmë një ndër bashkëpunëtorët më të ngushtë të Vjosa Osmanit në “Iniciativën” e saj, Haxhi Avdyli, ka ardhur me një thirrje për qytetarët, përcjell Kosova Post.
Avdyli ka bërë thirrje të kihet kujdes nga lajmet Fake news që mund të përhapen tani e tutje për shkak të mbështetjes plebishitare që ata pritet të marrin, siç thotë ai.
Ai tutje thekson se tek ata me gjendje më të rëndë ekonomike mund të ndodhë që në këmbim të votës të ofrohen edhe ndihma të ndryshme, prandaj bën thirrje të refuzohen këto veprime.
Reagimi i plotë:
Të nderuar qytetarë, KENI KUJDES. Të tmerruar nga përkrahja plebishitare e qytetarëve, klubi i vjetër i uzurpatorëve të pushtetit edhe shtetit ,mund të ndodhë të përdorin shpifje, e fake news. Te ata me gjendje më të rëndë ekonomike mund të ndodhë edhe të ofrojnë ndihma të ndryshme e para. Por aman mos e shisni besimin dhe bindjen tuaj me asgjë. Mos bini pre e portaleve e lajmeve të rreme. Mos e bëni për vete, bëne për fëmijët e juaj. Bëjeni për gjeneratën pas nesh. Refuzoni veprimet e shpifjet e tyre të dëshpruara.
