Sindikata e Pavarur e Sektorit Privat të Kosovës ka mbajtur sot konferencë për media, ku edhe ka informuar për keqpërdorimin e punëtorëve në sektorin privat nga pronarët e kompanive dhe vetë shteti, shkruan Kosova Post.
Kryetari i Sindikatës së Pavarur të Sektorit Privat, Jusuf Azemi tha se arsyeja e kësaj komference është se gjendja e punëtorëve të sketorit privat është shumë e rëndë.
“Çfarë e ka përkeqësuar gjendjen e këtij sektori më shumë është edhe largimi i punëtorëve nga kompanitë e tyre si shkak i pandemisë por gjithsesi edhe zvogëlimi i orarëve duke marrë parasysh se nëse orari i punëtorëve është zvogëluar atëherë edhe paga e punëtorëvë është më e ulët” u shpreh Azemi.
Azemi gjithashtu theksoi se duke folur në emër të sindikatës kishte me qenë më mirë që të gjithë ata që e kanë sjellur shtetin në këtë gjendje do të duhej t’iu ndodhte e njëjta gjë sikurse me punëtorët dhe besoj se nuk është e drejtë që këta deputetë të shkojnë në pushime dhe ta lënë vendin e tyre e punëtorët me këto probleme, sepse kemi shumë raste ku punëtorët e sektorit privat të infektuar me Covid-19 janë detyruar të kthehen në punë ngaqë ndryshe i’u mohohej e drejta e marrjes së pagës.
“Pako emergjente thuhet se i është dedikuar punëtorëve, 80% e pakos ka shkuar në xhepat e pronarëve. Pakoja për stimulimin e bizneseve, prapë nga kjo pako punëtorët e sektorit privat nuk fituan asgjë. As në pakon e tretë nuk do të përfitojnë dhe përfitues janë pronarët”, tha Azemi.
“Qeveria e Kosovës në momentin kur ka nxjerrë vendim se do të bëjë pagesën e mjekëve, infermierëve, ne kemi kërkuar qe edhe punëtorët e sektorit privat të paguhen. Ne kohen e fundit e kemi pa që MSH si ka pranuar listat e tyre. Deputetët po luajnë me fatin dhe ushqimin e fëmijëve, për interesa politike e partiake. Këtë nuk ua dëshiroj as shteteve armike”, deklaroi Azemi.
Tutje Azemi ka kërkuar nga MSh-ja që sa më shpejtë t’i paguaj punëtorët e sigurimeve në spitale me një shtesë prej 150 euro.
“Ne kemi kërkuar që MSh-ja që këta punëtore t’i fusë në listën që të paguhen me një shtesë prej 150 euro ashtu siç janë paguar mjekët dhe infermierët” u shpreh Azemi.
