Banka Islame për Zhvillim nënshkruan marrëveshje bashkëpunimi me organizatën D-8

Banka Islame për Zhvillim nënshkruan marrëveshje bashkëpunimi me organizatën D-8

 Banka Islame për Zhvillim njoftoi se ka nënshkruar një memorandum mirëkuptimi me organizatën D-8 për të rritur përpjekjet e zhvillimit dhe ekspertizën, njohuritë dhe burimet e përbashkëta për zhvillimin socio-ekonomik të tetë vendeve në zhvillim.

“Grupi i Bankës Islame për Zhvillim do të punojë me Organizatën D-8 për Bashkëpunim Ekonomik për të nxitur rritjen e qëndrueshme ekonomike në shtetet anëtare të D-8-ës”, thuhet në një deklaratë me shkrim të bankës.

Nënshkruar gjatë samitit D-8 në Stamboll, marrëveshja parasheh bashkëpunim të mundshëm në identifikimin dhe zbatimin e programeve dhe projekteve të përbashkëta në fushën e transportit, tregtisë, investimeve, financave islame, energjisë, industrisë, ndërmarrjeve të vogla dhe të mesme, bujqësisë, sigurisë së ushqimit, turizmit, shkencës, arsimit dhe krijimit të bankave të informacioneve.

Gjithashtu, parashikohet shkëmbimi i njohurive dhe informacionit për çështjet komerciale.

Banka Islame për Zhvillim poashtu do të ketë në konsideratë shpërndarjen e bursave për studentët nga shtetet e D-8-ës.

Ndryshe, Organizata D-8 për Bashkëpunim Ekonomik u themelua më 15 qershor të vitit 1997 me iniciativë të liderit të ndjerë turk, Necmettin Erbakan. Ajo kishte për qëllim zhvillimin e bashkëpunimit dhe pasurimin e marrëdhënieve ekonomike dhe sociale mes Turqisë, Iranit, Pakistanit, Bangladeshit, Malajzisë, Indonezisë, Egjiptit dhe Nigerisë.

Sot, D-8 ka një PBB të kombinuar prej 3,7 trilionë dollarësh dhe përfshin më shumë se një miliard njerëz, konkretisht rreth 15 për qind të popullsisë së botës.

You may also like

Hoti: Prishtina do të udhëhiqet nga LDK-ja, të presim rezultatin final

Avdullah Hoti nga Lidhja Demokratike e Kosovës, ka