Kryetari i Komunës së Skënderajt, Bekim Jashari, u del në ndihmë bletarëve në Skënderaj, ku sot bëri shpërndarjen e garantëve për 52 bletarë përfitues të koshereve të bletëve dhe materiale të tjera ndihmëse, shkruan Kosova Post.
Lajmin e ka bërë të ditur vetë Jashari, ku përmes një shkrimi në Facebook njoftoi se këtë aksion e kreu në bashkëpunim me drejtorin e Drejtorisë së Bujqësisë, Sokol Sallahu.
“Me këtë po e përmbushim një prej prioriteteve me të rëndësishme të qeverisjes sime, atë të zhvillimit të bujqësisë së Skenderajt, duke i ndihmuar kështu fermerët e komunës në zgjerimin e bizneseve të tyre familjare”, ka shkruar ndër të tjerai ai.
