Deputeti i PDK-së, Hisen Berisha, ka në disa pika Projektligjin për ndryshimin dhe plotësimin e ligjeve që përcaktojnë shumën e beneficionit në lartësi të pagës minimale sikur edhe procedurat e caktimit të pagës minimale, e lartësinë tatimore në paga.
Duke folur për projektligjin në fjalë, deputeti Berisha tha se ky projektligj po i diskriminon veteranët, për të cilët tha se duhet ta kenë vendin më dinjitoz në shoqëri.
“Po i përjashtoni jashtëligjshëm kategoritë e caktuara, ku theksin e keni vu prapë te veteranët. Luftën e keni prapë ndaj atyre që me sakrificën e tyre kanë sjellë lirinë. Janë të përjashtuar edhe kategoritë që po lëngojnë nga sëmundjet kronike që i kanë paaftësuar për të jetuar. Unë kam mesazhe nga luftëtarë që e ka pensionin e veteranit dhe tash ka sëmundje kancerogjene dhe i kanë dhënë statusit e invalidit shëndetësor dhe s’i lejohet ta marrë atë shumë sepse e ka statusin e veteranit”, ka thënë Berisha.
