Ish-presidenti Bill Clinton ka rezultuar pozitiv me Covid-19.
Lajmin e ka bërë me dije ai vetë duke thënë se po përjeton simptoma të lehta.
“Jam mirënjohës që jam vaksinuar dhe u bëj thirrje të gjithëve të bëjnë të njëjtën gjë, veçanërisht kur kalojmë në muajt e dimrit”, tha Clinton në një postim në Twitter.
Ish-presidenti, shtoi se ai po ia del mirë në përgjithësi dhe po e mban veten të zënë në shtëpi.
Clinton u shtrua në spital vitin e kaluar për një infeksion të traktit urinar që u përhap në gjakun e tij. Ai gjithashtu bëri një operacion të katërfishtë në zemër në vitin 2004 dhe iu vendosën dy stente për të hapur një arterie në vitin 2010.
Presidenti i 42-të është i fundit nga Klubi i Presidentëve që ka rezultuar pozitiv me virusin. Presidenti Joe Biden rezultoi me Covid-19 këtë verë dhe presidenti i atëhershëm Donald Trump doli pozitiv në tetor 2020. Ish-presidenti Barack Obama gjithashtu përjetoi një rast të lehtë në fillim të këtij viti.
