Shefi për politikë të jashtme i Bashkimit Evropian, Josep Borrell, ka njoftuar se ka diskutuar me sekretarin amerikan të Shtetit, Antony Blinken, rreth grumbullimit të trupave ruse përreth Ukrainës.
“Rusia duhet të de-eskalojë dhe t’i zbatojë plotësisht marrëveshjet e Minskut. U pajtuam që t’i koordinojmë më tej veprimet tona dhe që diskutimi për sigurinë evropiane do të ndodhë në koordinim dhe me pjesëmarrjen e BE-së”, tha kryediplomati i BE-së përmes një postimi në Twitter.
Discussed w/ @SecBlinken Russia’s military build-up around #Ukraine.
Russia needs to deescalate and fully implement Minsk agreements.
We agreed to further coordinate our actions and that discussion abt European security will happen in coordination with and participation of EU. https://t.co/8Z7BmEkN1h
— Josep Borrell Fontelles (@JosepBorrellF) December 22, 2021
Bashkimi Evropian tha se dy zyrtarët i kushtuan vëmendje propozimeve të paraqitura nga Rusia javën e kaluar rreth pikëvështrimit të këtij shteti në lidhje me rregullimet e mundshme të reja të sigurisë në Evropë.
“Ata e rikonfirmuan përkrahjen e BE-së dhe ShBA-së për sovranitetin, pavarësinë dhe integritetin territorial të Ukrainës dhe e theksuan nevojën që Rusia të de-eskalojë dhe t’i zbatojë plotësisht marrëveshjet e Minskut”, thuhet në njoftim.
Në njoftim gjithashtu thuhet se Borrell dhe Blinken gjithashtu diskutuan për ndikimin e zgjeruar ndërkombëtar të veprimeve të njëanshme të Kinës.
