LëvizjeS Vetëvendosje i është bashkuar Sadije Krasniqi nga Drenoci i Malishevës, e cila deri tani ishte kryetare e Forumit të Gruas së NISMA-s.
Për aderimin e Sadijes, ka shkruar vetë lideri i Vetëvendosjes, Albin Kurti, në faqen e tij zyrtare në rrjetin social Facebook.
Bashkë me Kurtin, mirëseardhje Sadije Krasniqit i uruan edhe Jetmira Vrenezi e Gani Krasniqi.
Postimi i plotë i Kurtit:
Sadije Krasniqi, nga Drenoci i Malishevës, është anëtarësuar dje në VETËVENDOSJE!. Ajo është asambleiste e kësaj komune, ka qenë kryetare e forumit të gruas së NISMA-s, nëndega Drenoc, dhe nënkryetare e gruas së kësaj partie, dega Malishevë. Sadija ka perfunduar Fakultetin e Bujqësisë dhe Veterinarisë, drejtimin pemtari-vreshtari, dhe, Fakultetin Filozofik/Filologjik, drejtimin gjuhë dhe letërsi angleze. Bashkë me kandidatët tanë nga Malisheva, Jetmira Vrenezin e Gani Krasniqin, Sadijes i uruam mirëseardhje dhe punë të mbarë në grupin e asambleistëve të Lëvizjes.
