Kryetari i Komunës së Suharekës, Bali Muharremaj, pas reshjeve të mbrëmshme të shiut dhe breshrit në këtë komunë, ka vizituar nga afër disa bujq.
Ai përmes një shkrimi në Facebook ka bërë të ditur se janë shkaktuar shumë dëme në bujqësi në fshatin Nëpërbisht, por edhe në fshatra të tjerë të Suharekës.
Muharremaj ka thënë se dëmet janë të mëdha dhe për këtë do të kërkojnë ndihmë edhe nga qeveria për mbështetjen e bujqve të dëmtuar nga këto të reshura.
Njoftim i i plotë i Muharremajt:
Rreshjet e mbrëmshme kanë shkaktuar shumë dëme në bujqësi, në fshatin Nëpërbisht dhe fshatra tjera në Komunën e Suharekës.
Dëmet janë të mëdha dhe ne do ta kërkojmë ndihmën nga institucionet qëndrore, e natyrishit do të angazhohem që tu ofroj mbështetje sipas mundësive.
