Muzeu Victoria dhe Albert (V&A) në Londër të Britanisë së Madhe mbrëmë shtroi iftar të hapur për qindra persona të premten (xhumanë) e parë të muajit të shenjtë të Ramazanit, transmeton Kosova Post.
Programi u mbajt në Muzeun V&A, një nga muzetë kryesorë në botën e artit, dizajnit dhe performancës.
Iftari i hapur, ku morën pjesë më shumë se 400 persona u përgatit nga organizata “Ramadan Tent Project”.
Omar Salha, themeluesi i organizatës humanitare “Ramadan Tent Project”, tha se këtë vit shënon 10-vjetorin e projektit.
Projekti u nis nga një grup studentësh të Universitetit SOAS të Londrës për të ftuar studentët ndërkombëtarë për të ndarë iftarin.
Ai theksoi se iftari në sheshin e famshëm “Trafalgar Square” do të jetë më i madhi dhe se do ta shtrojë iftarin në stadiumin e klubit futbollistik Chelsea, “Stamford Bridge”.
“Ajo që ne po përpiqemi të bëjmë është t’i kthejmë të huajt në miq, të ndërtojmë atë ndjenjë të komunitetit”, tha Dowshan Humzah, anëtar i Bordit këshillues të projektit.
Duke folur për programet e iftarit në stadiumet e futbollit, Humzah tha se iftari i hapur i nesërm do të jetë i pari që do të shtrohet në stadiumin e një klubi të futbollit në Premier Ligë./aa
