Mbretëria e Bashkuar aktualisht kryeson listën globale të vdekjeve më të larta për 100 mijë banorë, sipas të dhënave të përpiluara nga Universiteti Johns Hopkins.
Britani raportoi numrin më të lartë të vdekjeve të mërkurën me 1 mijë e 820 vdekje të reja të raportuara dhe ka qenë mesatarisht rreth 1 mijë e 240 vdekje të reja ditore gjatë shtatë ditëve të fundit, shkruan CNN, transmeton Klan Kosova.
Numri i vdekjeve i regjistruar në Mbretërinë e Bashkuar, nga një popullsi prej 66 milionë banorësh, tejkalon rekordet në vendet e tjera të mëdha, duke përfshirë SHBA-në.
Deri më tani Mbretëria e Bashkuar ka arritur 96 mijë e 166 vdekje totale që nga fillimi i pandemisë.