Sekretari i Jashtëm i Mbretërisë së Bashkuar, James Cleverly, u takua me presidentin ukrainas Volodymyr Zelensky në Kiev.
Ai siguroi Ukrainën se do vazhdonte ta mbështese derisa të ishte e nevojshme, sipas CNN.
Britania njoftoi 3 milion paund (rreth 3.6 milion dollarë) mbështetje për Fondin e Partneritetit për Ukrainën dhe 5 milionë paund për një nismë të udhëhequr nga Ukraina për të transportuar grurë në vendet që po vuajnë nga uria.
“Me fillimin e dimrit, Rusia po vazhdon të përpiqet të thyejë vendosmërinë e Ukrainës përmes sulmeve brutale ndaj civilëve, spitaleve dhe infrastrukturës energjetike. Rusia do të dështojë,” tha Cleverly, sipas një deklarate nga Zyra e Jashtme, Commonëealth & Development.
“Britania qëndron krah për krah me Ukrainën. Unë kam njoftuar sot një paketë mbështetjeje praktike për miqtë tanë ukrainas në luftën e tyre, nga ambulancat deri te mbështetja vendimtare për të mbijetuarit e dhunës seksuale të kryer nga ushtria ruse,” tha Cleverly. .
Paketa synon zonat e marra së fundmi nga kontrolli rus në Ukrainën jugore, duke përfshirë rajonin Kherson.
