Profesori universitar, përkatëisht ish-ministri në qeverinë e Kosovës së para pavarisisë, Bujar Dugolli, përmes llogariës së tij në rrjetin social, ka bërë të ditur se ka dalur fitues në procesin gjyqësor ndaj dy shkrimeve të publikuara në gazetën Express, në krye të së cilës askohe ishte gazetari kontraveres, Baton Haxhiu, transmeton Kosova Post.
15 viteve më parë, medium i njejtë kishte botuar dy shkrime tendencioze ndaj Dugollit, njërin me titull “Bujar Trump” me autor Baton Haxhiu dhe një shkrim tjetër me titull “Ku i more Bujar 3 milion t’buta”, me autor Jeton Musliun,
“Shkrimet e tilla shpifëse dhe denigruese kishin ndodhur në prag të fushatës zgjedhore parlamentare të vitit 2007, ku qëllimi kryesor ishte dëmtimi shumëdimensional i imazhit, duke përhapur më qëllim lajme të rrejshme e shpifje të ulëta, të cilat ndikuan negativisht në karrierën politike duke krijuar edhe perceptimin të rrejshëm ndaj personalitetit tim”, ka shkruar Dugolli në llogarinë e vet në “Facebook”, ku ka njoftuar se Gjykata Themelore në Prishtinë, Departamenti i Përgjithshëm, ka nxjerrë një aktgjykim, përmes së cilit pranohet pjesërisht si e bazuar kërkesëpadia, ndaj Baton Haxhiut dhe Jeton Musliu, për kompensim të dëmit material dhe jomaterial.
“Objekt i theksuar i kësaj padie janë shkrimet shpifëse të datë: 22.09.2007, në gazetën Express me drejtor e autor Baton Haxhiu, shkrimi me titull ‘Bujar Trump’ dhe shkrimi tjetër, në po të njëjtën gazetë, me titull ‘Ku i more Bujar 3 milion t’buta’, me autor Jeton Musliun”, ka treguar Dugolli.
