Duke theksuar se ka “realitete të reja më të komplikuara” në luftë, Çavuşoğlu theksoi: “Unë mendoj se para pranverës, ne do të kemi një pamje më të qartë për një armëpushim ose kthim në tryezën e bisedimeve”.
Ministri i Punëve të Jashtme të Türkiye-s, Mevlüt Çavuşoğlu, tha se vendi i tij pret të shohë një “pamje më të qartë” për një armëpushim të mundshëm për luftën në Ukrainës ose kthimin në tryezën e bisedimeve deri në pranverën e ardhshme, raporton Anadolu Agency (AA).
“Unë mendoj se ne gjithashtu duhet të bindim disa aleatë perëndimorë që të kthehen në tryezën e negociatave tani. Ukraina po përparon në terren, duke rimarrë disa nga territoret, territoret e pushtuara, por Rusia në këmbim shënjestron qëllimisht infrastrukturat civile. Kështu që jeta po bëhet e vështirë veçanërisht për ukrainasit dhe për ne, për të gjithë ne”, tha Çavuşoğlu në një seancë speciale gjatë Dialogut Mesdhetar të Romës.
Duke theksuar se ka “realitete të reja më të komplikuara” në luftë, Çavuşoğlu theksoi: “Unë mendoj se para pranverës, ne do të kemi një pamje më të qartë për një armëpushim ose kthim në tryezën e bisedimeve”.
Si një vend i besuar në sytë e Rusisë dhe Ukrainës, Türkiye ka luajtur një rol unik në ndërmjetësimin gjatë luftës, e cila filloi në shkurt.
I pyetur për rolin e Türkiye-s në NATO dhe në sigurinë e Evropës, Çavuşoğlu theksoi se vendi i tij ka qenë aktori kryesor në NATO në luftën kundër terrorizmit.
“Ne jemi i vetmi aleat i NATO-s që kemi luftuar kundër DEASH-it në mënyrë aktive”, tha ai, duke shtuar se Türkiye “ka eliminuar më shumë se 4.500 terroristë të DEASH-it” dhe “ka deportuar më shumë se 9.000 luftëtarë të huaj terroristë nga më shumë se 125 vende”.
“Ne kemi qenë një nga kontribuuesit më të mëdhenj të NATO-s dhe jemi një nga pesë kontribuesit kryesorë në misionet dhe aktivitetet e NATO-s”, theksoi ai.
Por, ai kritikoi Bashkimin Evropian se e kontakton Türkiye-n vetëm “kur ka një krizë migracioni”.
“Shpresoj se miqtë tëanë në Bashkimin Evropian dhe miqtë evropianë do ta kuptojnë rëndësinë e Türkiye-s jo vetëm gjatë krizës, por në përgjithësi”, tha ai.
I pyetur në lidhje me përpjekjet e Türkiye-s për normalizim me vende si Izraeli dhe Egjipti, Çavuşoğlu vuri në dukje rëndësinë e normalizimit me Izraelin, por shtoi se përpjekjet e tilla nuk nënkuptojnë “se ky normalizim do të jetë në dëm të kauzës palestineze”.
“Unë mendoj se ky normalizim është reciprokisht i dobishëm jo vetëm midis Türkiye-s dhe Izraelit, por edhe për rajonin”, shtoi ai.
Në lidhje me Egjiptin, ai theksoi: “Egjipti është një vend i rëndësishëm për Marokun, për rajonin e Mesdheut dhe për botën muslimane, për Afrikën, për të gjithë ne.”
“Rajoni ynë ka veçanërisht nevojë për marrëdhënie të mira midis Türkiye-s dhe Egjiptit”, tha ai.
Muajin e kaluar, presidenti i Türkiye-s Recep Tayyip Erdoğan shtrëngoi duart dhe zhvilloi bisedë me homologun e tij egjiptian Abdel Fattah El-Sisi në margjinat e hapjes së Kupës së Botës 2022 në Katar.
Marrëdhëniet diplomatike midis Türkiye dhe Egjiptit kanë qenë në nivelin e të ngarkuarve me punë që nga grusht shteti ushtarak në Egjiptit në vitin 2013, në të cilin u përmbys presidenti Mohammed Morsi, i cili më vonë vdiq.
