PD dhe PDIU kanë arritur një marrëveshje mes tyre, duke bërë të mundur kështu zgjerimin e Frontit të Bashkuar Opozitar.
Pas takimit mes dy kryetarëve, Lulzim Basha dhe Shpëtim Idrizi është zbuluar edhe marrëveshja me 6 pika që palët kanë rënë dakord mes tyre.

Mes pikave më të rëndësishme të marrëveshjes, spikasin ato për të larguar qeverinë qe bashkëpunon me krimin, për të krijuar kushtet për zgjedhje të lira e të ndershme si dhe çështja çame.

6 PIKAT E MEMORANDUMIT PD-PDIU

Rikthimin e normalitetit politik e institucional në vend, duke krijuar kushtet për ndarjen e politikës nga krimi, që po rrënon çdo standart demokracie në vend.

Krijimin e kushteve për zgjedhje të lira, të drejta e të ndershme, ku qeveria të dalë nga vota e lirë e shqiptarëve dhe jo nga skemat mafioze dhe lidhja me krimin, që ka deformuar vullnetin e shqiptarëve.

PD dhe PDIU angazhohen për zhvillimin e zgjedhjeve të përgjithshme dhe vendore me qëllim rikthimin urgjent të normalitetit në vend dhe ndarjen e sistemit politik nga fenomeni i blerjes së votës dhe manipulimit të saj.

PD dhe PDIU angazhohen për zgjidhjen e çështjes së shqiptarëve të Çamërisë ne te gjitha dimensionet e saj.

PD dhe PDIU angazhohen për fuqizimin e ekonomisë, duke suguruar lirinë e sipërmarrjes, konkurencës dhe mundësive për të gjithë.

PD dhe PDIU angazhohen për një mirëqeverisje sa më pranë qytetarëvë, të përkushtuar për zgjidhjen e problemit të papunësosë, për rritjen ekonomike, luftën pa kompromis kundër korrupsionit dhe krimit të organizuar.

Me afrimin e PDIU-së në Frontin e Përbashkët Opozitar, ku bëjnë pjesë të gjitha partitë e tjera parlamentare LSI, PR, PBDNJ, PDK, PAA, Lulzim Basha ia ka dalë të realizojë bashkimin më të madh politik sot në Shqipëri.

You may also like

Thaçi heq dilemat: Unë flej si ‘qingj’ sepse nuk jam në rrugë të gabuar

Presidenti i Kosovës Hashim Thaçi u ka hekur