Në dimër sfida jonë është të luftojmë të ftohtin. Përveç veshjes dhe ambientit, një zgjidhje është është që të përgatisim një çaj ose një pije tjetër të nxehtë, nga e cila mund të marrim gjithë nxehtësinë për të cilën kemi nevojë në dimër.
Mbretëresha e ditëve të ftohta është çokollata e ngrohtë. E trashë apo e lëngshme, e shoqëruar me biskota ose jo, fakt është që nëse i shtojmë shllak mbetet një ndër më të preferuarat gjatë dimrit.
Vera brule. Me një përzierje të verës së kuqe, portokallit, karafilit, kanellës, gota juaj e “zjarrtë” do t’ju ngrohë dhe do t’ju përfshijë edhe më shumë në euforinë e Krishtlindjeve.
Lëngu i zier i portokallit me kanellë. Kjo është një pije tipike e traditës franceze e bërë me lëng portokalli të zier, kanellë dhe mjaltë. Ajo është ideale edhe për fëmijët.
Kafja irlandeze. Receta e kafes irlandeze parashikon një kafe me sheqer, të përmirësuar me pak uiski dhe pana të rrahur.
Kafe elbi. Kafeja prej elbit konsumohet nga ata të cilët preferojnë të evitojnë kafeinën. E butë dhe e këndshme, ajo mund të pihet në çdo orë të ditës.
