Moderatorja e njohur, Luana Vjollca po bën së fundmi xhiron e rrjetit. Janë pikërisht disa pamje që po qarkullojnë kudo, ku show girl-i shfaqet në një makinë me shenja dhune.
Ndërkohë, më herët, Luana tregoi përmes një postimi në Instagram se kishte bërë një tatuazh të ri, i cili nuk ishte rastësisht. Të gjithë të apasionuarit pas tatuazheve, e dinë mjaft mirë kuptimin që ai mbart.
“Semicolon tattoo”, përfaqëson betejat e shëndetit mendor dhe rëndësinë e parandalimit të vetëvrasjeve.
Çdo person, i cili ka një tatuazh të tillë në trup, nënkupton që ka kaluar një situatë të vështirë, e cila e ka çuar të mendojë vetëvrasjen, ose dikush i cili është solidarizuar me këtë kauzë.
Po të kthehemi pas në kohë, Luana ka treguar në një intervistë se po punon në një projekt personal që ka të bëjë me femrat.
Moderatorja ka thyer heshtjen dhe ka prezantuar projektin e saj të ri. “Thuaje” do të titullohet projekti i ri, ajo ka ndarë një video ku sjell në vëmendje të gjitha etapat e jetës së saj.
Përmes saj, moderatorja ka në fokus arritjet e saj personale ndër vite por nuk ka lënë pas dhe angazhimin e saj në muzikë. Kujtojmë se pak kohë më parë moderatorja zbuloi pak më shumë mbi këtë projekt që ka punuar fort prej më shumë se një vit./abcnews.al