David Alaba në verë lë Bayern Munchen dhe flitet se Real Madrid është një nga klubet më pranë tij. Së fundmi në lidhje me yllin austriak ka folur një nga senatorët e klubit madrilen, Toni Kroos.
Mesfushori paralajmëron mbrojtësin se të jesh lojtar te Real Madrid të duhen shumë gjëra dhe jo vetëm cilësia dhe aftësitë në fushë.
“David Alaba ka cilësinë për të luajtur me Real Madrid, por cilësia nuk mjafton. Që të jesh i vlefshëm këtu, duhet gjithashtu të kesh gjendje shumë të mirë fizike dhe koka jote duhet të jetë në vend kur gjërat nuk funksionojnë. Duhet më shumë se cilësia sportive”, shprehet Kroos. /abcnews.al
