Dje rreth orës 13:45 në fshatin Davidoc në komunën e Shtimes, Policia e Kosovës pas një aksioni të gjatë hetimor arriti ta gjejë vendndodhjen e Sokol Halilit, tashmë i ndjerë pasi i dha fund jetës së tij duke vrarë vetën me armë zjarri. Viktima dyshohej për vrasjen e ish-bashkëshortes shtatzënë, para repartit të Gjinekologjisë në QKUK, raporton KosovaPost.
Rastin se viktima vrau vetën e konfirmoi ministri i punëve të brendshme, Xhelal Sveçla përmes një postimi në faqen e tij në Facebook, ku shtoi se i dyshuari nuk ka arritur të negociojë me Policinë e Kosovës dhe ka qëlluar vetën me armë.
Sipas raportit të Policisë, konfirmohet se vdekjen e viktimës e ka konstatuar ekipi mjekësor, ndërsa në vendin e ngjarjes janë konfiskuar një pistoletë me një karikator pa fishekë dhe një predhë.
Në lidhje me rastin, përveç njësitit policor në vendin e ngjarjes ka dalë edhe Prokurori. Me vendim të këtij të fundit, trupi i pa jetë është dërguar në Institutin e Mjekësisë Ligjore për Obduksion./KosovaPost/