Ministri i Jashtëm i Serbisë, Ivica Daçiq, ka thënë se nuk beson se deklarata për respektimin e të gjitha marrëveshjeve, e cila do të nënshkruhet këtë të marte në samitin në Tiranë, do ta “ndërgjegjësojë Prishtinën”.
Sipas kryediplomatit serb, “ata mund të arrijnë marrëveshje që nesër, nëse Prishtina do ta dëshironte, sepse Prishtina është pengesa më e madhe”.
“Është bindja ime personale, dhe mendoj se e ndajnë shumë në Evropë dhe botë, se asgjë nuk do të ndryshojë derisa të jetë Albin Kurti në pushtet”, tha Daçiq në televizionin Prva.
“Duhet të bëjmë një politikë të tillë që askush të mos na akuzojë për shkakun tonë, theksoi Daçiq dhe shtoi se është i sigurt se presidenti i Serbisë, Aleksandër Vuçiq, në samitin e Tiranës nuk do t’i ndryshojë “as edhe një grimë” qëndrimet e tij të shprehura për çështjen e Kosovës”, u shpreh ai.
