Pas reagimit të LVV-së se veturat e MPB-së janë parë në shkolla të ndryshme të Podujevës, kryetarja e KQZ-së Valdete Daka, ka thënë se ato janë marrë në shfrytëzim të KQZ-së, shkruan Kosova Post.
Pas sqarimit të Dakës, i menjëhershëm ka qenë reagimi i LVV-së duke theksuar se kjo gjë është tërësisht e pavërtetë.
“Si Lëvizje VETËVENDOSJE! kemi reaguar për keqpërdorimet me veturat e Ministrisë së Punëve të Brendshme (MPB). Ndërkohë, znj. Daka tha se ato janë marrë në shfrytëzim nga KQZ dhe se në to është logoja e KQZ-së. Kjo është tërësisht e pavërtetë”, thuhet në reagimin e LVV.
Reagimi i LVV-së:
Në lidhje me reagimin e KryetarEs së KQZ-së, znj. Valdete Daka
Si Lëvizje VETËVENDOSJE! kemi reaguar për keqpërdorimet me veturat e Ministrisë së Punëve të Brendshme (MPB). Ndërkohë, znj. Daka tha se ato janë marrë në shfrytëzim nga KQZ dhe se në to është logoja e KQZ-së. Kjo është tërësisht e pavërtetë.
Asnjë nga këto vetura të cilat i kemi ilustruar edhe me fotografi nuk bartin asnjë shenjë apo identifikim të KQZ-së dhe si të tilla paraqesin keqpërdorim me veturat zyrtare dhe presion mbi votuesit.
Kësisoj, prania e veturave qeveritare pa asnjë shenjë identifikimi të KQZ-së është tendencë për manipulim të procezit zgjedhor.
Pra, për aq kohë sa këto vetura janë me logo të MPB-së, për Lëvizjen VETËVENDOSJE! konsiderohen presion mbi votuesit. Kjo është tërësisht e papranueshme.
