Aktualisht në Kuvendin e Republikës së Kosovës po mbahet seanca plenare ku po debatohet përkitazi mbi çmimin e energjisë, transmeton Kosova Post.
Së këndejmi, Kryeministri i Republikës së Kosovës i është kundërpërgjigjur Shefit të Grupit Parlamentar të Partisë Demokratike të Kosovës, Abelard Tahiri, pasi ky i fundit akuzoi Kurtin se ka vendosur një menaxhment të dobët në udhëheqje të Korporatës Energjetike të Kosovës.
“Ju keni vendos një menaxhment jashtëzakonisht të dobët, që dy vite, në udhëheqje të Korporatës Energjetike të Kosovës. Mendoj qe vendosja e këtyre njerëzve të paaftë ka bërë që mos të implementohet as kontrata me BE-në. Kjo do të duhej të kryhej në vitin 2020. Në anën tjetër ka edhe energji alternative. Është mirë me i rishiku të gjitha këto potenciale, që duhet të shfrytëzohen. Duhet ti shikoni njerëzit që keni vendosur në krye të Korporatës Energjetike”, theksoi Tahiri.
Pas fjalimit të Tahirit, reagoi edhe kryeministri Albin Kurti, i cili tha se nuk ka rënë menaxhmenti por turbina.
“Nuk ka rënë menaxhmenti por ka rënë turpina. Në ditën e djeshme ka kushtuar 2 milionë e gjysmë ka kushtuar importi i Kosovës. Nuk po shtrenjtohet çmimin i energjisë, por fakti është që ne nuk e mbulojmë me gjenerim konsumin dhe energjia është e shtrenjtë”, pohoi a
