Lagjja Dardania në Prishtinë do të mbes pa ujë për orë të tëra gjatë ditës së sotme.
Kompania Rajonale e Ujësjellësit “Prishtina”, ka njoftuar se lagjja Dardania në Prishtinë gjatë ditës së sotme do të mbes pa ujë për periudhë të pacaktuar, shkruan lajmi.net.
Sipas njoftimit, e tërë kjo për shkak të shpërthimit të gypit të ujit fi 200 mm në këtë lagje.
“Në orët e hershme të mëngjesit të ditës së sotme, ka pëlcitë gypi i ujit fi 200 mm në lagjen ” Dardania” në Prishtinë. Ekipet teknike janë në vendngjarje”, thuhet në njoftim.
Sipas KRU “Prishtina”, sanimi i dëmit varet nga natyra e defektit, dhe për këtë arsye nuk dihet se sa orë do të mbes pa ujë të pijshëm kjo lagje, andaj edhe është kërkuar mirëkuptim i qytetarëve.
