Aktualisht është duke u mbajtur seanca e Kuvendit të Kosovës, e thirrur nga Opozita, ku Deputeti i Lëvizjes Vetëvendosje, Dimal Basha, ka thënë se është gëzuar për rikthimin në punë të Bllokut B2, shkruan KosovaPost.
Tutje, deputeti nga rradhët e LVV-së përmendi se lidhur me rastin e lëshimit në funksion të këtij blloku kanë qitë edhe havëll.
“Po bëni hajgare me Bllokun B, por unë kam shkuar për përhajër te Ministrja për Bllokun B. Havëll kena qitë. Gëzim more është, ju duhet ta kuptoni se janë 250 megavat në orë, po besoj që edhe ju jeni të gëzueshëm”, u shpreh Basha në Kuvendin e Kosovës.
Ndër të tjerash, Basha shtoi se ka reduktime të rrymës për shkak të kaluarës.
“Nuk është se Albin Kurti e ka shtyp dygmen edhe u ndal rryma, rryma është si pasojë e të kaluarës, këto blloqe që po prishen është se këto i keni lënë, që 20 vjet nuk është investuar në to”.
Vlen të përmendet se seancë do të ketë edhe ditëve tjera të kësaj jave.
