Deputeti gjerman, Knut Abraham, i ka bërë thirrje qeverisë italiane ta vendosë në rend dite kërkesën e Kosovës, për anëtarësim në Këshillin e Evropës, transmeton KosovaPost.
Në një shkrim në Twitter, ai tha se pas kësaj kërkesa e Kosovës të jetë në agjendën e Komitetit të Ministrave të shteteve anëtarë të KiE-së.
“Koha për të vepruar. I bëj thirrje qeverisë italiane që tani ta vendosë në rend dite kërkesën e Kosovës, në mënyrë që të diskutohet në Komitetin e Ministrave të Këshillit të Evropës në Torino të premten. Momenti i duhur duhet të përdoret tani”, ka shkruar Abraham në Twitter.
Procedurat kërkojnë që një shtet anëtarë i Këshillit të Evropës propozon anëtarësimin e Kosovës në Komitetin e Ministrave.