Deputeti i Lëvizjes Vetëvendosje, Halil Thaçi, ka deklaruar për Front Online se do të qëndroj në sallë nesër kur pritet të votohet Projektligji që mundëson tërheqjen e Trustit.
Ai ka thënë se do të respektoj qëndrimin e Lëvizjes Vetëvendosje duke aluduar se do të votoj kundër tërheqjes së Trustit.
“Qëndrimi i grupit parlamentar të LVV-së dihet tashmë publikisht dhe unë i qëndroj besnik këtij qëndrimi. Pra, personalisht do të qëndroj në sallë dhe do të votoj në koordinim me grupin tonë parlamentar”, ka thënë ai.
Edhe deputeti i kësaj partie Fatmir Humolli ka deklaruar se do të qëndroj në sallë por të abstenoj.
Lëvizja Vetëvendosje ende nuk ka dalë më qëndrim nëse do të qëndrojnë në sallë për Trustin, derisa si grup parlamentar kanë bërë publike qëndrimin e tyre se janë kundër tërheqjes së Trustit.
