Snajperisti Prekë Kodra, që dyshohej për planifikimin e atentatit ndaj kryeministrit Albin Kurti, rezulton të ketë njohje me deputet të Kuvendit të Kosovës.
Në një fotografi të siguruar nga Shqip.com, Kodra shihet në darkë me deputetin nga radhët e Lidhjes Demokratike të Kosovës, Driton Selmanaj.
Sipas informacioneve fotografia del të jetë realizuar në Prizren në fund të vitit 2020, në kohën kur Selmanaj ishte zëvendëskryeministër.
Të pranishëm në po të njëjtën darkë ishin dhe dy persona të tjerë, njëri nga të cilët kishte shkrepur dhe fotografinë, por Shqip.com nuk ka arritur të bëjë identifikimin e tyre.
Në një përgjigje përmes telefonit, Selmanaj ka konfirmuar takimin me Kodrën, duke sqaruar se kjo është bërë përmes mikut të tij (vëllai i gruas së djalit të axhës).
“Po kjo fotografi po është e saktë, unë jam aty. Ky në mes po është miku jem i shtëpisë, është vëllai i gruas së djalit të axhës temë. Edhe ky ka pas mysafirë prej Shkodrës, ky është nga Zvicra ky miku im, ka pas mysafirë prej Shkodrës dhe më ka thirr mua. Unë kam shkuar para dy vjetësh me sa mbaj mend është kjo fotografi, në rreth të Prizrenit. As emrin nuk ia kam ditë as atëherë as sot”, ka thënë Selmanaj.
Tutje, deputeti Selmanaj thotë që Kodra të mos i jetë prezantuar mbi punën që bën.
Shqip.com ka provuar të marrë përgjigje nga Prokuroria Speciale, nëse hetimet kanë kaluar tek ta dhe nëse ka pasur të dyshuar të tjerë, por të njëjtit nuk janë përgjigjur.
Për rastin e tentim atentatit kishte qenë i njoftuar vetë Kurti nga Agjencia e Kosovës për Inteligjencë, për çka ishin marrë masa shtesë për parandalimin e veprimit.
Derisa, mohon të jenë takuar sërish.
“Unë kam shkuar me ngrën darkë. S’kemi fol çka bën. Kurrë asnjëherë, hera e parë dhe e fundit që e kam taku. Tash fotografin kur e pash mu kujtua ky person se nuk e kam pa as diku tjetër e kanë qit si foto, ka mbi dy vjet kjo punë”.
Në dokumentin e publikuar nga grupi i hakërreve “Homel and Justice” që dyshohet të jetë marrë nga emaili i drejtorit të përgjithshëm të Policisë së Shtetit në Shqipëri, Gledis Nano, thuhet se paraprakisht ishte paraparë atentatit ndaj Ismet Haxhës, ish-anëtar i Shërbimit Informativ të Kosovës, pastaj ndaj Xhavit Halitit, anëtar i Partisë Demokratike të Kosovës dhe ish-deputet dhe në fund ndaj Kurtit, me qëllim që atentati të duket hakmarrje. /Shqip.com
I pyetur nëse duhet të ketë kujdes me personat që darkon, Semanaj thotë se është e pamundur.
“Sa herë ndodh në tavolinë me na ardh dikush që unë nuk e njoh që ulet në darkë e rrimë, nuk është hera e parë”.
