Shërbimi Spitalor, Klinik dhe Universitar i Kosovës (ShSKUK), ka bërë të ditur se tashmë në disa spitale të Kosovës, nuk ka më asnjë pacientë që po trajtohet nga COVID-19, transmeton Kosova Post.
Sipas raportit të datës 9 nëntor 2021, bëhet fjalë për Spitalin e Përgjithshëm të Mitrovicës, Spitalin e Vushtrrisë dhe atë të Gjilanit.
Në tërë Shërbimin Spitalor Klinik dhe Universitar të Kosovës, në trajtim mjekësor janë 44 pacientë, prej tyre 14 të konfirmuar me coronavirus dhe 30 të tjerë post-COVID.
Me oksigjeno-terapi janë 13 pacientë, përderisa në mjekimin intensiv të Klinikës Infektive ka vetëm 1 pacient me maskë të oksigjenit.
Numri i pacientëve me COVID-19 dhe post-COVID, sipas klinikave COVID-19 dhe spitaleve të përgjithshme
Klinika Infektive, 3 pacientë
Klinika e Pulmologjisë, 27 pacientë post-covid-19
Mjekimi Intensiv në Klinikë Infektive, 1 pacient
Spitali i Prizrenit, 2 pacientë
Spital i Pejës, 3 pacientë
Spitali i Gjakovës, 6 pacientë
Spitali i Ferizajt, 2 pacientë. /KosovaPost/
