Në kuadër të raportit 24 orësh, Policia e Kosovës ka bërë të ditur për një rast të dhunës në familje në Rahovec, ku tre djemtë dyshohen të kenë ushtruar dhunë fizike ndaj babait të tyre, transmeton Kosova Post.
Policia e Gjakovës përmes një komunikate ka dhënë detaje më të hollësishme për media. Ku siç thuhet djemtë kishin sjellje çnjerëzore ndaj babait të tyre. Ata dyshohet që pas një mosmarrëveshje kanë rrahur babanë, më pas të njëjtin edhe e kanë lidhur me litar duke i shkaktuar lëndime trupore.
“Datë 11.01.2022 rreth orës 23:00, në fshatin Dobidol, KK. Rahovec patrulla e policisë iu ka përgjigjur infoarmates për “ Dhunë në familje “ Dyshohet se te dyshuarit e lartëcekur ( vllëzer) pas një mosmarrveshje me prindin e tyre ( viktimen) e kishin sulmuar fizikisht dhe më pas e kishin lidhur me litar duke i shkaktuar lendime trupore”, kanë thënë nga Policia.
Viktima ka marrë ndihmën mjekësore fillimisht në QMF në Ratkoc e pastaj në Spitalin Rajonal në Gjakovë, dhe sipas mjekut ka lëndime të lehta trupore.
Të dyshuarit janë shoqëruar në Stacionin Policor – Rahovec, dhe pas intervistimit me urdhër të Prokurorit të Shtetit janë ndaluar për 48 ( dyzetetetë) orë.