Shqiptarët në diasporë çdo ditë e më shumë po bëhen emra tejet të kërkuar, duke na bërë krenar me të arriturat e tyre. Kësaj herë kemi zgjedhur për të folur padyshim për më të mirin e gastronomisë në një republikë në veri të Gjermanisë.
Fjala është për drenicakun, Valdet Berisha i cili është pronar i një restauranti në Bremen të Gjermanisë. I lindur në fshatin Vasilevë komuna e Drenasit ai si i ri mori rrugën e gurbetit për një të ardhme më të mirë. Valdeti kujton me nostalgji ato ditë kur la familjen me qëllimin e vetëm që atyre tu sigurojë një jetesë më të mirë. Si fillim kaloj shumë sfida për të arritur këtu ku është tani por që gjithçka që ai gëzon sot i bëri me zell dhe punë të pa kursyer. Fillimisht punoj si kuzhinjer në disa restorante ndërsa me vonë vendosi të hap restorantin e tij në vendin e quajtur Wayhe në periferi të Bremenit, duke pasur krahë të djathtë edhe bashkëshorten e tij e cila e ndihmon pa kursyer.
Valdeti shumë shpejtë arriti të marrë zemrat e shumë qytetarëve të kësaj pjese në veri të Gjermanisë të cilet zgjodhen kuzhinen e shqiptarit si më te preferuarën e tyre, pa harruar edhe mikëpritjen dhe ngrohtësine që ua ofron Valdeti myshterive të tij.
Aty mund të takosh emra të njohur të Republikës se Bremenit pa lënë anash edhe shumë figura të njohura shqiptare të cilat po të vizitojnë Bremenin nuk munden pa u ndalur për një drekë në ‘konakun’ e Valdet Berishës, aty ku shija dhe mikëpritja nuk mungojnë asnjëherë.
Për punën e mrekullushme te restorantit ‘Dall Italiano” shpeshë herë ka shkruar edhe shtypi i Bremenit’ për picat dhe pastat me shije që ai gatuan për klientët e tij.
Kosova Post ishtë në vizitë në restorantin e Berishës, por fatkqesisht këto ditë të pandemisë ashtu siç e dimë gjithë gastronomia gjermane është e mbyllur tash më shumë se 6 muaj, me mundësinë e vetme ‘porosit nga shtëpia’, por që fatmirësisht Berishës puna po i ecën mirë.
Berisha që është baba i tre fëmijeve, ndryshe njihet edhe për shpirtin e tij human për faktin që shpesh herë është organizuar me miqt e tij në këtë rrethinë për të dërguar të holla në Kosovë për njerzit në nevojë, ndërsa punonjës ne restorantin e tij shumicën e stafit i ka punësuar vendasit e tij.
