Zëvendësministri i Punëve të Jashtme dhe Diasporës nga AAK-ja, Gani Dreshaj ka reaguar pas fitores së LVV-së në zgjedhjet në Podujevë. Ai e ka uruar kandidatin fitues, Shpejtim Bulliqin, duke e cilësuar këtë rezultat si pozitiv, shkruan Kosova Post.
Dreshaj përmes një postimi në Facebooka ka shkruar se ndryshime të ngjashme duhet të ndodhin edhe në komunat e tjera.
“Sot ndryshimi ndodhi në Podujevë. Mendoj që secili ndryshim është pozitiv. I uroj suksese Shpejtim Bulliqit. Ndryshimi duhet të ndodhë kudo në ato komuna ku janë krijuar klane interesi e familjare, pavarësisht subjektit partiak”, ka shkruar Dreshaj.
Postimi i plotë:
Sot ndryshimi ndodhi në Podujevë. Mendoj që secili ndryshim është pozitiv.
I uroj suksese Shpejtim Bulliqit. Ndryshimi duhet të ndodhë kudo në ato komuna ku janë krijuar klane interesi e familjare, pavarësisht subjektit partiak.
Qytetari i Kosovës është mjaft dënues ndaj të keqes dhe shumë vlerësues ndaj të mirës.
Jam i bindur që humbja është e shëndetshme edhe për LDK-në.
