Ish-zëvendëskryeministri i Kosovës, përkatësisht deputeti i Kuvendit të Kosovës nga radhët e LDK-së, Driton Selmanaj, është ankuar, për siç tha ai, qasjen që Lëvizja Vetëvendosje kishte ndaj ish-emisarit të SHBA-ve për dialogun Kosovë-Serbi, Richard Grenell, transmeton Kosova Post.
Sipas Selmanaj, personaliteti i Grenell është denigruar e fyer më së shumti nga njerëz të Lëvizjes Vetëvendosje.
“Ajo çka është e rrezikshme për Kosovën është që ne kemi filluar ta thjeshtojmë rolin e zotit Grenell sa ishte emisar special i zotit Trump, e kemi personifiku dhe jemi marrë vetëm me personin e tij, e kemi fy duke e denigru personalitetin e tij dhe këtë e ka bërë më së shumti Lëvizja Vetëvendosje. Mendoj që kemi bërë shumë gabim. Zoti Grenell ka qenë emisar special i Trump, për LDK-në këtu është parë. Qasja e Lëvizjes Vetëvendosje ndaj tij ka qenë shumë fyese që unë nuk besoj se do të kalojnë pa pasoja”, ka thënë Selmanaj në Kanal 10.
