Përmes raportit 24 orësh, Policia e Kosovës, ka bërë të ditur se një e mitur nga Klina ka njoftuar babanë se është martuar me një djalë po ashtu të mitur, transmeton Kosova Post.
Sipas raportit Policor, rasti ka ndodhur mesditën e së dielës.
Policia ka arrestuar të dyshuarin, ndërkaq pas intervistimit është liruar në procedurë të rregullt, ndërkaq viktima është dërguar në shtëpi të sigurt.
“Klinë, 16.01.2022-15:00. Viktima femër kosovare, e moshës së mitur, ka njoftuar babain e saj se është martuar dhe gjendet te i dyshuari mashkull kosovar, po ashtu i moshës së mitur. I dyshuari është arrestuar dhe pas intervistimit me vendim të prokurorit është liruar në procedurë të rregullt ,ndërsa viktima është dërguar në shtëpi të sigurt”, ka bërë të ditur policia.