Edhe një ish-luftëtar i UÇK-së ftohet nga Specialja

Prokuroria e Specializuar e Hagës e ka ftuar edhe një ish-luftëtar të UÇK-së për intervistim, shkruan Kosova Post.

I ftuari i radhës është Alush Agushi (Mala).

Lajmin për ftesën e Speciales e ka bërë të ditur vëllau i Agushit, përmes një postimi në Facebook.

”Asnjë gjykatë nuk mund ta njollosë luftën e UÇK-së, e cila ishte më e pastër se loti!
Dalsh faqebardhë Gjeneral Mala, bashkë me shokë!
Krenar me Ty”, ka shkruar ai.

Postimi i plotë:

Gjykata Speciale në përmbushjen e misionit të saj po i vazhdon thirrjet e të gjithë çlirimtarëve tanë, sot është ftuar në intervistim edhe Gjeneral Alush Agushi( Mala), vëlla ashtu si ti dhe shumë çlirimtarë të tjerë do të triumfoni edhe përballë kësaj pa drejtësie, sepse kontributi juaj për vendin nuk ka të bejë me kurfar krimi, misioni juaj ishte çlirimi i Kosovës!
Asnjë gjykatë nuk mund ta njollosë luftën e UÇK-së, e cila ishte më e pastër se loti!
Dalsh faqebardhë Gjeneral Mala, bashkë me shokë!
Krenar me Ty!